S´Woch´nend

Toni Schuster

Aaf`s Woch´end si(ch jedra g`fraat,
waal`s a Oowechsling bringt,
fünf Årwatstaach sann dau vabei,
wenn Såmsta – sunnta kinnt.

Da oi(n werklt gear(r)n woos ban Haus
da onna schlaaft se aas,
s`kinnt neat draaf oa(n, woos ma tout,
d`Hauptså ma haut droa(n G`spaas.

Sua schnåll saan döi zwai(n Taach vabei,
a naiaWoch`n kinnt,
no wiss`n tout halt näimats neat,
woos döi uns ållas bringt.

Dau hofft ma hålt döi gånza Zeit
aaf s`naia Woch`nend,
ma spekaliert, denkt nau( ch dabaa,
wöi mas valängern könnt.